Green Growth, Promise Box နှင့် ချစ်လျှင်ပျော်မိ .. အထင်ရှိ ကြကုန်လေသော..

ဂင်ကို ဘိုင်လိုဘာ လို့ အမည်ရတဲ့ အသက်ရှည်ဆေးအပင်များ နဲ့ မေပယ် ပင်များ တန်းစီ စိုက်ပျိုးထားလို့  တောင်ကိုးရီးယား နိုင်ငံ ရဲ့ဆိုးလ် မြို့တော် လေး ဟာ Green Growth ရှိပါ တယ်ရယ် လို့ ကြွေးကြော်ရလောက်အောင် မိုးနှောင်းရာသီရဲ့  ရင်ခွင်အောက် မှာ စိမ်းလန်း ရွှန်းစိုနေပါတယ်..။  တစ်ဆောင်းသစ် ပြန်အုံးတော့မယ် လို့ ငံ့လင့်နေတဲ့ အပင် တစ်ချုို့ တစ်လေ မှာတော့ စိမ်းရောင်စိုလွင် မှုများလျော့ပါး လျက် သိင်္ဂီ တစ်ဝက် ..မြတစ်ဝက်  ….။

ဂင်ကို ဘိုင်လိုဘာ Gingko biloba  ဆိုတာကလည်း Phyto-remediation ဖြင့် Air pollution  ကို လျော့ပါးစေသော ၊ဖန်လုံအ်ိမ်ဓာတ်ငွေ့တွေ GHG (Green House Gas ) နဲ့  လေထု ညစ်ညမ်းမှုကို လျော့ကျစေနိုင် တာမို့  တယ်တော်ပါလား ….ကိုးရီးယား ပေါ့လေ..။ Mr. Ben Kimon ရေ..သင့်မွေးရပ်မြေ အတွက် …Congratulations ပါနော်..။

Waste water Treatment ကို နိုင်နင်း လှတာ မို့ ဟန်မြစ် ရေပြင် ကလည်းကြည်လင်သန့်စင် စွာစီးဆင်း နေတာ …. သဘာဝ ရတနာ တစ်ပါး။ အဲဒီ ဟန်မြစ် ကို ဖြတ်ကူးနိုင်တဲ့ တံတားပေါင်းကလည်း ဆိုးလ် မြို့ထဲမှာတင်  ၂၇စင်းရှိနေတာ..။ သပ်ယပ်တောက်ပြောင် နေတဲ့ လမ်း တွေ….ရယ်  မိုးထိမြင့်မား တိုက်တာများကတော့ သူတို့ရဲ့ စီးပွားရေး ဖွံ့ဖြိုး တိုးတက်မှု ကို အထင်းသား မြင်တွေ့နိုင်ပါတယ်..။

အော်တောင် ကိုးရီးယား ကိုးရီးယား..မြန်မာတို့ ရဲ့ နှလုံးသား ကို သူတို့ရဲ့ အနုပညာနဲ့ ဖမ်းစား ထား တဲ့ နိုင်ငံပါလား။ တနည်းအားဖြင့် စိတ်ဝင်စားစရာ ဇာတ်လမ်းတွဲတွေ နဲ့ မြန်မာတို့  ရဲ့ ညနေချမ်း တွေကို အိမ် တွေထဲမှာ တစ်ညီတစ်ညွတ်တည်းညိမ်သက်စေနိုင် အောင်လွှမ်းမိုးနိုင် သော သူများ ပါကလားလို့လည်း သတိတရဖြစ်တဲ့အကြည့်နဲ့ သေချာ ကြည့် နေခဲ့ မိပါတယ်..။

 ကာလကြာရှည်စွာ ရုပ်မြင်သံကြား မကြည့်ဖြစ်တဲ့ ကျွန်မ ကသာ အထူးအဆန်း ဖြစ်နေပေမဲ့ မြန်မာ တော်တော်များများ  က အညာစရော= မင်္ဂလာပါ။ ကင်ဆာ မီဒါ= ကျေးဇူးတင်ပါတယ် ။ အိုးပါး= အစ်ကို ၊ အိုညိ= အမ၊ အိုမ= အမေ။ အာဘူးကြီး= အဖေ  စသည်ဖြင့် ခေါ်ဝေါ်ကြကာ …. တော်ပုကီ..ကင်ချီ..ဆန်မုန့် စတဲ့အစားအသောက်တွေ ကိုပါ စိမ့်ဝင်ရင်းနှီးနေတာယဉ်ကျေးမှုချင်းရောနှော ခဲ့ပါပြီ.။
 အမျိုးသမီးတော်တော်များများ ကတော့ ပိန်ပိန်ပါးပါး သန့်သန့် ခန့်ခန့် တွေ များပါတယ်..။ ရိုးသားဖြောင့်စင်း ပြီး အကြောသိပ် မတင်း တဲ့ မျက်နှာများစွာ ကိုလည်း တွေ့ရှိနိုင်ပါတယ်..။

Korea Night Life ကတော့ ညနေ ရုံးအဆင်း မှာ စားသောက်ဆိုင်မှာ  Soju သောက်ကြပြီး  အမျိုးသမီးများ ကို ကျောတွင် ချီပိုးကာ စောင့်ရှောက် ကာ အိမ်ပြန်ပို့ တဲ့အထိ အကြင်နာကြီးသော….မေတ္တာတရားကြီးမားသော  ထူးဆန်းလှစွာသော …ရှားရှားပါးပါး အမျိုးသားများ ဤ နိုင်ငံ မှာ ရှိနေသတဲ့…..။ အံ့ဘွယ်သုတပါတကား…။

ကျွန်မ က သူတို့ ရဲ့ စိတ်နှလုံးကို ပိုလို့စိတ်ဝင်စားနေမိပါတယ်..။ နန်ဆန်တာဝါ ကို သွားကြည့်တဲ့နေ့မှာတော့  လျှပ်တပြက်သိလိုက်ရပါတယ်..။

ကတိသစ္စာပြုကြပါသော..သော့ဂလောက်များစွာ..နန်ဆန်တာဝါ

ရောမ က Love Bridge မှာလုပ်သလို  သော့ဂလောက်များစွာ တွေ့လိုက်ရပါတယ်..။ ရောမ မြို့ မှာတော့ ချစ်သူစုံတွဲများ သော့ဂလောက် ကို ခတ်ကာ သော့ ကို တိုင်ဘာ – Tiber မြစ် ထဲ နောက်ပြန် ပစ်ပြီး ထာဝရ ချစ်ရပါစေကြာင်း ဆုမွန်ကောင်း တောင်းကြတဲ့ သော့တွေ သော့တွေ… ရောမ နဲ့ ဖလောရင့် နှစ်ခု ပေါင်းရင်တောင် က နန်ဆန်တာဝါ က သော့များကို မီမယ် မထင် ပါ..။ ချစ်လျှင်ပျော်မိ အထင်ရှိကြသော သူ တယ်လည်းပေါများလှပါကလား။ ။

မော်ကွန်း တင်ထားပါသေးတယ်..။

ကိုးရီးယားမှာကတော့ မြစ်နဲ့ ဝေးတာကလည်းတစ်ကြောင်း၊ တောင်ပေါ်ဖြစ်နေတာမို့ သော့ ပစ်ထည့် တဲ့ ပုံး ကို အနီရောင် ရှိသော Promise Box အဖြစ် စုစည်းတည်ရှိစေပါတယ်..။
ဤ သေတ္တာ နှင့် ဤ နေရာသည် သစ္စာတရားများ စုဝေးရာဖြစ်စေသတည်း ပေါ့လေ..။

3 R (Reduce, Reuse, Recycle ) ဆိုတဲ့ သဘာ)ပတ်ဝန်းကျင်ထိန်းသိမ်းရေး မျက်စိ နဲ့ တစ်ဖန်ကြည့်ပြန်တော့ သောဂလောက် တန်ဘိုးများ ထုတ်လုပ်စရိတ် ကိုတွက်ကြည့်ကာ လွဲချော် နေတဲ့ ယဉ်ကျေးမှုကို ဘ၀င်မကျ ဖြစ်ရပါတယ်..။

Green Growth ကြောင့် လျော့ကျသွားတဲ့ ကာဗွန် တွေ သော့ဂလောက်ထုတ်လုပ်ရေး မှာ တိုးခဲ့တာမို့ ပြန်ပေးဆပ် ဘို့ Carbon Compensation ကိုတွက်ချက် ကြည့်လိုက် ပြီး Mr. Ben Kimon ထံပြန်တောင်း ရတော့မလို ..။

ယတ္တကာ – တစ် နှစ် သုံး လေး ဂဏန်းရေးက ၊စစ်တွေးဆက်ပွား ၊ အကြင်မျှလောက် များကုန်၏

ကျွန်မ ကတော့တောင်မြို့ မဟာ ဂန္စ္ဒာရုံဆရာတော် ဘုရား ရေးသားတော်မူတဲ့ ဂါထာလေး ကို သတိရမိပါတယ်..။

 
***မာနိတာ ယတ္တကာ ယဿ ၊ ဒုက္ခတာ တဿ တတ္တကာ၊
ကိံနုနော ဒုက္ခဘာယန္တာ ၊ပိယမှာ စ အဘိရုနော။*****
 
ယဿ -ချစ်လျှင်ပျော်နိုး ၊ ချစ်စပျိုး ၍ ၊ ချစ်ရိုးချစ်စဉ် ၊ အကြင် ပုထုဇဉ်၏
မာနိတာ – မြတ်နိုးစုံမက် ၊ နှစ်သက်ဖွယ်ရာ ၊ အဖြာ ဖြာ တို့သည်၊
ယတ္တကာ – တစ် နှစ် သုံး လေး ဂဏန်းရေးက ၊စစ်တွေးဆက်ပွား ၊ အကြင်မျှလောက် များကုန်၏
တဿ -ချစ်လျှင်ပျော်မိ ၊ အထင်ရှိ၍ ၊ခင်မိခင်ရာ ၊ခင်ကြရှာတောင်း ၊ထိုပုထုဇဉ်အပေါင်း ၏
ဒုက္ခတာ – မကင်းစမြဲ ၊အတင်းတွဲ၍ ၊ ဆင်းရဲရန်ကြောင်း ၊ဒဏ်အပေါင်း သည်
တတ္တကာ – ချစ်ချစ်သမျှ ၊ တစ်နှစ်ကလျှင် စ၍ တွက်ရေ၊ ထိုမျှလောက်ပင်များပြားလေကုန်၏ ။
နော – သူတော် သူမြတ် အတူမှတ်၍ ၊လူ့ဇာတ်ရှောင်သွေ ၊တို့တတွေသည်
ဒုက္ခဘာယန္တာ – ဒုက္ခမြောက်မြား ၊ရောက်မသွားဘို့ ၊ထောက်ထားထိုထို ကြောက်အား ပိုကြပါကုန်လျက်
ပိယမှာစ – ဒုက္ခဖြစ်ကြောင်း ၊အချစ်အပေါင်းမှကား၊
ကိံ နုအဘိရုနော- မကြောက်နိုင်ပဲ ရဲကြီးရဲလျက် ၊ အမြဲ ပုံသေ အဘယ်ကြောင့် ချစ်ခင်၍ နေ၀ံ့ ကြကုန်လေဘိသတည်း။

သည် ဂါထာ လေးကို ရွတ်ဆိုမိရင်း ချစ်ခြင်း ဆို တဲ့ တဏှာ ရဲ့ လှည့်စားမှု  အမည် သဘောမှ သည် စစ်မှန်သော မေတ္တာ တရား ၊အကြင်နာတရား များ နှလုံးသားများ စွာသို့ ဟန်မြစ်လို တစ်သွင်သွင် စီးဆင်း ကြပါစေကြောင်း ဆုမွန်ကောင်း တောင်းအပ်ပါတယ်..။

ဒေါက်တာ မသစ္စာ

 

ပိုမိုစိမ်းလန်းသော မြို့ပြ အိမ်ယာများ ထူထောင် ခြင်း (သို့) အိမ်သုံးဟင်းခင်းစိုက်ပျိုးခြင်း

ဒီပုံလေးကတော့Typical UPA ကိုနားလည်စေ တဲ့ပုံပါပဲ။

ဒါက ကိုကျော်ဦးရဲ့ ဆေးဘက်ဝင်သော UPA

ပိုမိုစိမ်းလန်းသော မြို့ပြ အိမ်ယာများ ထူထောင် ခြင်း ဆိုတဲ့ ဒီခေါင်းစဉ်လေးကတော့ Growing Greener Cities လို့နာမည် ပေးထားတဲ့ FAO (ကမ္ဘာ့စားနပ်ရိက္ခာ ) အဖွဲ့ကြီး က ဆောင်ရွက်နေတဲ့ လုပ်ငန်း စဉ် ကို ဘာသာပြန်ထားတာပဲ ဖြစ်ပါတယ်..။

FAO (ကမ္ဘာ့စားနပ်ရိက္ခာ ) အဖွဲ့ကြီး..က အစိုးရအဖွဲ့ အစည်းတွေ..မြို့ ရွာ တွေကို အုပ်ချုပ် တဲ့သူတွေ အဖွဲ့အစည်းတွေကို အဓိကထားပြီး မြို့ထဲ ရွာ ထဲ..လူနေတဲ့နေရာ တွေများ တစ်နိုင်တစ်ပိုင် ဟင်းသီး ဟင်းရွက် သစ်သီးဝလံများစိုက်ပျိုးထုတ်လုပ်ကြဘို့နှိုးဆော် ဥိးဆောင် နေတာပါ..။

ဥယျာဉ် ခြံ အသေးလေးတွေ၊ အလွှာ အထပ်မြင့် တဲ့အဆောက်အဦတွေ မှာနေရရင်လည်း တိုက်ခေါင်မိုး တွေပေါ်မှာ အိမ်သုံးဟင်းခင်း စိုက်ပျိုးလုပ်ကိုင် နိုင်ကြစေဘို့ အတွက် အစိုးရ အဖွဲ့ အစည်းများ က ကူညီ ဘို့ ဆောင်ရွက်နေတာ ပဲဖြစ်ပါတယ်..။

ကျေးလက်တောရွာ တွေက နေ မြို့ပြ တွေကို ပြောင်းရွှေ့ နေထိုင်ကြ Urbanization ဆိုတာ အရင်က ၂.၆ ဘီလီယံ ကနေ အခု ဆို ၃. ၂ ဘီလီယံ ထိ တိုးတက်လာ ခဲ့ တာဟာ ကျွန်မ တို့လိုဖွံ့ ဖြိုး တိုးတက် ဆဲနိုင်ငံတွေများ လည်းများ မြန်လည်းမြန် ဖြစ်နေပါတယ်..။

ဖွံ့ ဖြိုးပြီး နိုင်ငံတွေကတော့ မြို့ နဲ့ ကျေးလက် ဆိုတာ မကွာ လှတာမို့ Urbanization  ဟာ ရာနှုန်းအနည်းငယ် သာ တိုးတက်ခဲ့တာပါ။

အခုတော့တဲ့အချိန်မှာ မြို့ပြ နေလူထု ရဲ့ ဆင်းရဲ မွဲတေ မှု ဟာ ကြီးမားတဲ့ ပြဿနာ ဖြစ်နေခဲ့ပါတယ်။ ဒါ ကို အားလုံးက အမျိုးသားရေး တာဝန် တစ်ခု အဖြစ် ဝိုင်းဝန်း လှုပ်ရှားဆောင်ရွက် ရတော့မှာ ဖြစ်ပါ တယ်..။

အရင် တုံးကတော့ တော မှာ နေတဲ့သူတွေ ကသာ ဆင်း ရဲတယ် ယူဆကြတာကိုး ။

အခုတော့ မြို့ကို များများ နဲ့ လျှင်မြန်စွာရွှေ့ပြောင်းနေထိုင်မှု Rapid increasing Urbanization တွေကြောင့် မြို့ တွေမှာ ဆင်းရဲပမွဲတေမှု တိုးတက်လာသလို စားရေရိက္ခာ မလုံလောက်မှုတွေ..။

ကလေးသူငယ်များ အဟာရ ချို့တဲ့တာတွေ ၊

 အလုပ်လက်မဲ့ဦိးရေ တိုးတက်လာ မှုတွေ..၊

ပြစ်မှုဆိုင်ရာ မှုခင်း ကိစ္စ များ နဲ့

ရှုပ်ထွေးတဲ့ လူမှုရေးပြဿနာ တွေက တစ်နေ့ တစ်ခြား ကြီး ထွားနေပါတော့ တယ်..။

အဲဒီအခါ  မှာ FAO က  UPA ( Urban and peri-Urban Agriculture ) ဆိုတဲ့ ဖြေရှင်းနည်းတစ်ခု ကို စတင်လိုက်ပါတယ်..။

မြို့ ပြ နေလူထု ရဲ့ မိမိ တို့ နေထိုင်ရာ အိမ်ယာ အနီးအနား တစ်ဝိုက်မှာ စိုက်ပျိုးရေး လုပ်ခိုင်း တဲ့ လှုပ်ရှားမှု ဖြစ်ခဲ့ရပါတယ်..။ စိုက်ပျိုးရေး တင်မကပါဘူး၊ တစ်နိုင်တစ်ပိုင်မွေးမြူရေး လုပ်တာတွေ ၊ ပတ်ဝန်းကျင် ထိန်းသိမ်းရေး လှုပ်ရှားမှု တွေ၊ လူမှု ရေး စောင့်ရှောက်မှုတွေပါ …ပါဝင်ပါတယ်။

ကျွန်မ ဆိုလိုချင် တဲ့ မြို့ ဆိုတဲ့နေရာ မှာ နယ် မှာ ရှိနေတဲ့ မြို့ တွေ လည်းပါဝင်ပါတယ်..။

နေ့စဉ် စားသုံး နေတဲ့ သီးနှံ တွေ အတွက် တော ဘက်ကလာတ စောင့်နေစရာမလိုတော့ပဲ အိမ်ဝိုင်းထဲက ခူးဆွတ်စားသုံး လိုက်တာ ဟာ ငွေအကုန်အကျ သက်သာသလို… အဟာရ လည်းပြည့်ဝ စေပါ တယ်..။

အိမ်မှာ အမြဲ လို နေရ တဲ့ အမျိုး သမီးတွေ လည်း တစ်နိုင်တစ်ပိုင် ဆောင်ရွက် နိုင်တာမို့ တိမ်မြုပ်နေတဲ့အင်အားတွေကိုဖေါ် ထုတ်သလို လည်း ရည် မှန်းထားပါတယ်။

ကိုယ့်ရဲ့ လူနေမှု ဘဝ ရဲ့ ကုန်ကျ စရိတ်တွေ ကာမိပြီး စဉ်ဆက်မပြတ် ရှင်သန်  နေစေ ပါတယ်..။

အခု ကျွန်မတို့ ကြုံတွေ့ နေရတဲ့ မြို့ပြ ရဲ့ မွန်းကြပ် မှု ဝေဒနာ တွေကိုလည်း လျှော့နည်းစေ လိုတဲ့ရည် ရွယ် ချက်လည်းပါပါတယ်..။

ဘန်ကောက်မြို့ ဆိုရင် အဆောက်အဦတိုင်း ဟာ လေအေးစက်တွေ တပ်ဆင်ကြတာမို့အဲဒီက မှုတ်ထုတ် လိုက်တဲ့ အပူတွေ ကြောင့်  မြို့ပြ ရဲ့ အပူချိန် ဟာ ရှိသင့်တာထက် ပို မို ပူလောင် နေတာ ဘန်ကောက်ရောက်ဘူးသူတိုင်းခံစားရမှာပါ..။

ကျွန်မ တို့ နေတဲ့ ရန်ကုန် မှာ ဆိုရင်လည်း တိုးတက် လာ တဲ့ ကားအရည် အတွက်များ က ထုတ်လုပ် လိုက် တဲ့ ကာဗွန်ဒိုင်အောက်ဆိုဒ် ဓာတ်ငွေ့တွေ နဲ့ သိပ်သည်း ကြပ်တည်းလာတာ အမှန်ပါပဲ..။

ဒါကြောင့် မို့ စိုက်ပျိုးရေးဆို တဲ့ဘာသာရပ် ဟာ တောနေ လူထု အတွက်သာရည် ရွယ် တဲ့ ပညာ မဟုတ်တော့ပဲ မြို့ မှာ နေတဲ့လူတိုင်း တတ်ထားသင့်တဲ့ပညာရပ် ဖြစ်လို့ နေပါပြီ။ ကျွန်မတို့ အားလုံး ..စိမ်းလန်းသော ပတ်ဝန်းကျင်ကို ဖန်တီးသင့် တဲ့အချိန် ရောက်လာပါပြီ..။

နောက်ပြီး သူတပါး စိုက်ပျိုးလိုက် တဲ့ သစ်သီးဝလံ၊ ဟင်းသီးဟင်းရွက်ကို စားရတာ..ယုံကြည် စိတ်ချရမှု ဘယ်လောက်ရှိနေမှာ မို့လို့ လဲ..။

ပိုးသတ်ဆေး ဓာတ်ကြွင်း တွေ…ပါနေမလား၊ ဝမ်းရောဂါ ဖြစ်စေတဲ့ ပိုးမွှားတွေ ပါတဲ့ ရေတွေ နဲ့ ဆေးထားတာလား၊ သဘာဝ လွန် တဲ့ ဓာတုဆေးတွေ နဲ့ ရင့်မှည့် စေခဲ့တာလား၊ ဆိုတာ မသိနိုင်ပဲ ကိုယ်ကလည်း စားသုံးခဲ့သလို..ကိုယ့်မိသားစု ကိုလည်း ကျွှေးမွေး ခဲ့ရတာမို့ ရောဂါ အစ မီးဖိုချောင် က ဆိုတဲ့စကားနဲ့ ကိုက် ညီနေတော့ တာ..အရင်ကပေါ့နော်..။

ကျွန်မ တို့ ရဲ့ အိမ်နီးချင်း နိုင်ငံတွေကိုကြည့်လိုက်ရင် ဒီ UPA ကနေ သူတို့နိုင်ငံ ရဲ့ ၅၀% သုံးသော သစ်သီးဝလံ နဲ့ ဟင်းသီးဟင်းရွက်တွေကို ထုတ်လုပ်နိုင်ခဲ့ပါတယ်..။ ဗီယက်နမ် ဟနွိုင်း မှာ ဆိုရင် တစ် UPA နှစ်ကို တန်ချိန် ၁၅၀၀၀၀ ရှိတဲ့ သစ်သီးဝလံ နဲ့ ဟင်းသီးဟင်းရွက်တွေကို ထုတ်လုပ်ပေးပါတယ်..။ ကျူးဘားနိုင်ငံက ဟာဗားနားမှာ ဆိုရင် တစ်နိုင်ငံလုံး ရဲ့ ၆၀% စားသုံးမှုကို UPA ကနေ ရတာ ပဲဖြစ်ပါတယ်.။

တချို့ နိုင်ငံ တွေ မှာဆိုရင် အစိုးရ ကနေ ဥပဒေထုတ်ပြီး ဦးဆောင်ပြောင်းလဲစေခဲ့ပါတယ်။ အာဂျင်တီးနား မှာ အစိုးရကနေ National Policy ပြဌာန်းပြီး UPA ကို မြှင့်တင်ခဲ့ပါတယ်..။

ဘရာဇီးလ် မှာဆိုရင် ဝန်ကြီးဌာ နတစ်ခု ဖွင့်လှစ်ခဲ့ပါတယ်.. (Ministry for Combating Hunger sets urban agriculture guidelines) ဆိုပြီးတော့ပါ..။

အီဂျစ်နိုင်ငံမှာတော့ Green Food from green roofs ဆိုတဲ့ဆောင်ပုဒ် နဲ့ တိုက်ခေါင်မိုးတွေပေါ်မှာ ဥယျာဉ် ခြံတွေ ပြုလုပ်ခဲ့ကြပါတယ်..။

ဒီ လှုပ်ရှားမှုလေးဟာ မြို့ နေ လူထု ကနေ စွန့်ထုတ်လိုက်တဲ့ အညစ်အကြေးတွေကို မြေသြဇာ ပြန်လည် ထုတ်လုပ်ကြတာလည်း ပါဝင်ပါတယ်..။

မီးဖိုချောင်သုံးအမှိုက် တွေ..ဈေးတွေကနေ ထွက်လာ တဲ့ငါးအမှိုက်တွေ ကနေ အော်ဲဂဲနစ် မြေသြဇာ ထုတ်လုပ်ကြတာလည်းပါတာမို့ ပတ်ဝန်းကျင် ညစ်ညမ်းမှုကို လျော့ကျ စေတာ ဖြစ်ပါတယ်.။ ( ဓာတ်မြေသြဇာ ထုတ်လုပ် မှုကနေကော သုံးစွဲ မှုကနေပါ ဖန်လုံအိမ်ဓာတ်ငွေ့ များစွာ ထွက်စေပါတယ်။)

မြောက် အမေရိက မှာ ဆိုရင် အော်ဂဲနစ် စွန့်ပစ်ပစ္စည်းတွေက ထွက်လာ တဲ့ အော်ဂဲနစ်မြေသြဇာကို အိမ်သုံးဟင်းခင်းစိုက်ခင်းတွေကို အပြည့်အဝ ထောက်ကူပေးနိုင်ခဲ့ ပါတယ်..။

ကက်စထရို ရဲ့ ကျူးဘား နိုင်ငံမှာဆိုရင်လည်း ဓာတုမြေသြဇာတွေ နေရာမှာ  အော်ဂဲနစ် မြေသြဇာ တွေကို အစားထိုးသုံးစွဲနေပါပြီ။

ကလိုရိုဖီးလ် လို့ ခေါ် တဲ့ရောင်ခြယ် ဆဲလ် တွေ ပါဝင်လို့ စိမ်းလန်းကြတဲ့အပင်တွေဆိုတကလည်း လူတွေ ကြောင့် ညစ်နွမ်းသွား တဲ့ ဖန်လုံအိမ် ဓာတ်ငွေ့ တစ်ခု ဖြစ်တဲ့ ကာဗွန်ဒိုင်အောက်ဆိုဒ်ကို အသုံးဝင်အောင် ပြုပြင် ပြီးအစာ ချက်လုပ်ကြတဲ့စက်ရုံတွေ ဆိုတာ အားလုံးသိကြပါတယ်..။

အခု ဆိုရင် ကာဗွန်ဒိုင် အောက်ဆိုဒ် အများဆုံး နေရာတွေ ဟာ လူဥိးရေ ထူထပ်တဲ့ မြို့ ပြ တွေ ဖြစ်နေပါတယ်။ သစ်ပင် အစိုက်သင့်ဆုံးနေရာတွေ…ကလည်း လူနေထူထပ်တဲ့နေရာတွေပါ။  စိမ်းလန်းစေမှု ကုထုံး နဲ့ အမြန်ဆုံး ကုစားသင့်တဲ့ နာတာရှည် ဝေဒနာသည်တွေ လိုဖြစ်နေပါ တော့တယ်။

ဒီ UPA ( Urban and peri-Urban Agriculture ) ဆို တဲ့ ပိုမိုစိမ်းလန်းသော မြို့ပြ အိမ်ယာများ ထူထောင် ခြင်း (သို့) အိမ်သုံးဟင်းခင်းစိုက်ပျိုးခြင်း လှုပ်ရှား မှုဟာ မြို့ ပြ နဲ့ ဆင်ခြေဖုန်း က အိမ်တွေ သာမကပါဘူး။

သူတို့ အဓိက ထားစည်းရုံး ချင်တဲ့လူတွေကတော့ အိမ်ခြေ မဲ့သော၊ ကျူးကျော် အိမ်ယာ များ နေ ဆင်းရဲသားလူထုကို ရည်ရွယ် ပါတယ်…။

ဆင်းရဲ မွဲတေမှု လျှော့ချရေး ဆိုတဲ့ Poverty Reduction Problem ဟာ ကျေးလက်ကနေ မြို့ကို ရွေ့လျားလာခဲ့တာကိုး။

နောက် ဒီလှုပ်ရှားမှု ကနေ စောင့်ရှောက်ချင်တဲ့ အုပ်စု ကတော့ စာသင်ကျောင်းတွေ နဲ့ ကလေးသူငယ် များ ပဲဖြစ်ပါတယ်..။

ကျောင်းကို ထမင်းဘူး မထုပ်လာ နိုင်တဲ့ကလေးတွေ…. တစ်နေ့ မှ တစ်နပ်ပဲ စားရ တဲ့ ကလေးတွေ ရှိတယ် ဆိုတာကို မြောက်ဒဂုံ မှာ စာသင်တဲ့ မူလတန်းပြဆရာမလေးတစ်ယောက် ထံ မှ ကျွန်မ ကြားဘူးထားပါတယ်..။

FAO ကတော့ Nutrition အကြောင်း စိုက်ပျိုးရေးအကြောင်း မူလတန်း၊ အလယ်တန်း၊ အထက်တန်း ကျောင်းသားတွေ ကို သင်ဘို့ သင်ရိုးညွှန်းတန်း သူတို့ မှာရှိကြောင်းးသင်ကြားဘို့ အကြံ ပြုထားပါသေး တယ်..။

ထိုင်းနိုင်ငံကတော့ စာသင်ကျောင်းတွေ မှာ အဲလို စိုက်ခင်းလေး တွေ လုပ်တယ်… ခူးဆွတ်ပြီး ကလေးတွေကိုနေ့ လည် စာကျွေးတဲ့အစီအစဉ် ကို လွန်ခဲ့ တဲ့အနှစ် ၂၀ လောက်ကတည်းက ဘုရင့်သမီးတော် ရဲ့ ရံပုံငွေ အထောက်အပံ့ နဲ့ စတင် ခဲ့ပြီးသားဖြစ်ပါတယ် လို့ ဆွေးနွေးပါတယ်..။ တယ်တော် တဲ့ သမီးတော်ပါတကား။

ကျွန်မက တော့ အာဟာရ ဝလင် အောင် မကျွေး မွေးနိုင်ပဲ အစာ အဟာရ အကြောင်းတွေ သင်ကြားပေးရ မှာကို ရှက်ရွံ့ အားနာမိပါတယ် ကလေးတို့ရယ်..။ သမီးတော်လို ဘုန်းကံ မကြီးပါလားနော်။

ကျွန်မ ရဲ့ နယ် လှည့် တောင်သူပညာပေးသင်တန်း တွေ ထဲမှာ ဘုန်းဘုန်းဒေါက်တာပညောဘာသ ရဲ့ ကျောက်တန်းရွာ ဘကကျောင်း နဲ့ ဘုန်းဘုန်းဒေါက်တာ အာစာရ ရဲ့ ရင်းရဲ ရွာ ဘကကျောင်း ၊ စိုင်ပြင်ရွာက ရာဟုလာ ဓမ္မသင်တန်းကျောင်း တွေ မှာ ဒီ UPA ကို သင်ကြား ခဲ့ဘူးတာ မို့ ရှေ့ဆက် ပြီး ဘုန်းဘုန်းဒေါက်တာ ဝဏ သီရိ တို့လို ဘကကျောင်းအုပ် ဘုန်းဘုန်းများ နဲ့ အကြောင်း ညီညွတ်တဲ့အခါ  မိတ်ဆက် ရပါအုံးမယ်။ 

ကျွန်မ ရဲ့ ဓမ္မ မိတ်ဆွေ မစိုးယု ပိုင် ကတော့ သူ့ရဲ့ သားလေး ကို အလွယ် ဆုံး ကြက်သွန် မြိတ်ရအောင်စိုက်နည်းကို သင်ထားပေးပြီး မကြာခဏ ဆိုသလို အသုံးတည့်အောင် လည်း ဆီချက်ခေါက်ဆွဲ လုပ်ကျွေးပါသတဲ့..။

FAO က UPA Project မြန်မာနိုင်ငံမှာ စရင် မစိုးယုပိုင်တို့သားအမိ ကို ကြက်သွန်မြိတ် စပါယ်ရှယ် လစ်စ် အဖြစ် ဖိတ်ခေါ်ရတော့မှာ အသေအချာ..။

ကြက်သွန်မြိတ် စပယ်ရှယ် လစ်

အိမ်သုံးဟင်းခင်းစိုက်ပျိုးခြင်း ဆိုတဲ့အတိုင်း စိုက်ပျိုးဘို့ကို ဟင်းသီးဟင်းရွက် တွေကိုသာ ရွေးချယ် ထားပါ တယ်။ ဒါမှလည်း အရင်းနည်းနည်း နဲ့ စတင်နိုင်ပါမယ်။ နောက်ပြီး အကြီးမြန်တာမို့ ရက် အနည်းငယ် အတွင်း ခူးဆွတ် ရောင်းချ နိုင်ပါတယ်။ လူတိုင်းစားသုံးကြတာမို့လည်း ဈေးကွက်လို အပ်ချက်ဆိုတာ ရှိနေတာပါ။

 ဒီ လုပ်ဆောင်မှု ဟာ အလုပ်လက်မဲ့ ဖြစ်နေတဲ့ မြို့ ပြ က ဆင်းရဲသားတွေ အတွက် အလုပ်အကိုင်အခွင့်အလန်း ဖန်တီးပေး နိုင်တာ ဖြစ်ပါတယ်..။

FAO အဆို အရ ဆို မြို့ပြ ဆင်းရဲသား သန်းပေါင်း ၈၀၀ က အိမ်သုံးဟင်းခင်းစိုက်ပျိုးခြင်း ကို လုပ်ဆောင်နေကြပြီး လူဦးရေ သန်း ၂၀၀ ကတော့ ဈေးကွက် ပို့ဆောင်နိုင်တဲ့အထိ အလုပ်အကိုင် အခွင့် အလန်း များရရှိခဲ့ပါတယ်တဲ့။

အခုဆိုရင် အာဖရိက တိုက်က နိုင်ငံတော်တော် များများ နဲ့ ကိုလံဘီယာ၊ မက္ကဆီကို၊ တောင်အာဖရိက တွင်သာမက အမေရိက နိုင်ငံတို့မှာပါ ကျင့်သုံး နေကြ ပါကြောင်း သိရပါတယ်..။

အမေရိက မှာ ကတော့ ဒီလို တစ်နိုင်တစ်ပိုင် အိမ်သုံးဟင်းခင်းစိုက်ပျိုးခြင်း

အလေ့အထ ကြောင့်ရာဇဝတ် ပြစ်မှု ဖြစ်ပွားမှုတွေ ကိုတောင်လျှော့ကျ စေခဲ့တယ်လို့ဆို ပါတယ်..။

Growing Greener Cities

Home gadening

Urban and Peri-urban Agriculture

စသည်ဖြင့် နာမည် ဘယ်လို ပဲတပ်ပြီး လှုပ်ရှား နေကြပေ မဲ့ ကျွန်မတို့ မြန်မာ လူမျိုးတွေအတွက်တော့ အကြီးအကြယ် ဆန်းကြယ် လှတဲ့ ခေါင်းစဉ် တော့မဟုတ်ပါဘူး။

ကျွန်မတို့ ရဲ့ မိဘ ဘိုးဘွားတွေ က ( အိမ်နောက်ဖေး၊ ဈေးဆိုင်တည်) ပါလို့ ဆုံးမစကားမှာကြားခဲ့ တာ မမေ့ ခဲ့ပါ..။

၅လွှာ မှာ နေပြီး မြေပိုင်ဆိုလို့ ပန်းအိုးထဲကမြေသာ ပိုင်ဆိုင် တဲ့ ကျွန်မ အတွက်သာ… ဒီ Urban and Peri-urban Agriculture ကို ရတဲ့ပစ္စည်း နဲ့ ရတဲ့နေရာမှာ စိုက်ဘို့ ကြိုးစားရပါအုံးမည်။

To The World without Hunger ဆိုတဲ့ FAO ဆောင်ပုဒ်လေးဟာ ကျွန်မ အား ဟိုး ရှေးရှေးကတည်းက နေရောင်အောက်မှာပျော် စေခဲ့သည်ပဲ။

အခု အချိန်မှာတော့ Mr. Ben Kimon ကတော့   Zero Hunger ဖြစ်အောင်  Challenge လုပ်ချင်နေပါသတဲ့။ တကယ် ဇီရိုးဖြစ်အောင် အားလုံး ကြိုးစားရမှာ ပဲမဟုတ်ပါလား။

ဆာလောင် နေသော ရင်ထဲက အပူ တို့ အားစားနပ်ရိက္ခာ ကြွယ် ဝမှု ဖြင့် ငြိမ်းချမ်းအေးမြ ခွင့် ပေးနိုင်ရပါစေသား။

*Ms. Makiko Taguchi ( FAO, Rome ) Growing Greener Cities ရဲ့  Lesson ကိုကိုးကားရေးသားပါသည်..။

*အမျိုးသမီး စီးပွားရေး  စွမ်းဆောင် ရှင် များအသင်းမှ ပရောဂျက် မန်နေဂျာ ညီမ မခင်သိန်းထွေး က တောင်းဆိုထားတဲ့  မန္တလေး FM အသံလွှင့်အစီအစဉ် မှာ လွှင့်ရန် လည်းရည် ရွယ်ပါတယ်။

မေတ္တာဖြင့်-

သစ္စာအလင်း

A.J Cronin , Judas Tree ရဲ့ အဆိပ်

ဆရာထင်လင်း ဘာသာပြန်-အဆိပ်

မေမေချစ်သောသားသား နဲ့ မီးမီးရေ

မေမေ ငယ်ငယ် ကနှစ်သက်ခဲ့ဘူးတဲ့ဝတ္ထု တစ်ပုဒ်ကို ပြန်လည်သတိရမိပါတယ်..။ ကမ္ဘာကျော် စကော့တလန် လူမျိုး ဆရာဝန် စာရေးဆရာ အေဂျေခရိုနင် A.J Cronin ရေးတာပါ။ အေ ဂျေ ခရိုနင် ရေး တဲ့ထဲက ဆို ဆရာမောင်ထွန်းသူ ဘာသာပြန် ပြီးအမျိုးသားစာပေဆုရခဲ့တဲ့ *ရဲတိုက်*ဝတ္ထုကိုတော့ လူသိများကြပါတယ်..။

 ဒီ Judas Tree ဆိုတဲ့ ဝတ္ထုကတော့ ဆရာထင်လင်း က *အဆိပ်* ဆိုတဲ့နာမည် နဲ့ ဘာသာပြန် ဘူးပါ တယ်..။ အေဂျေခရိုနင် က ဒီဝတ္ထုကို ၁၉၆၁ မှာရေးခဲ့တာဖြစ်ပါတယ်..။ ၁၉၇၅ လောက်မှာ အိန္ဒိယ ရုပ်ရှင်မင်းသမီး ရှမီလာတဂိုး နဲ့ ဆန်ဂျေးကူးမားတို့ က ရုပ်ရှင်အဖြစ်တင်ဆက်ခဲ့ဘူးပါတယ်..။

အင်္ဂလိပ်နာမည် က Judas tree ဖြစ်ပြီး မြန်မာ ဘာသာပြန်နာမည် ကဘာလို့ အဆိပ် ဖြစ်နေတာလည်း လို့ ကလေးတို့ကမေးချင်မေး မယ်။ ဇာတ်လမ်းလေး ကိုဆက်ပြောရင် ရှင်းသွားပါလိမ့်မယ်။

ရဲတိုက်နဲ့ အဆိပ် ဝတ္ထု မှာပါတဲ့ ဇာတ်လိုက် နှစ်ဦးလုံး က ဆရာဝန် တွေဖြစ်ပေမဲ့ ဘဝတန်ဘိုး ချင်း ကတာ့ ခြားနားလို့ နေပါတယ်။ ဒီ*အဆိပ်* ဝတ္ထုမှာပါတဲ့ ဆရာဝန်က Dr. David Moray ဒေါက်တာ ဒေးဗစ်မိုရေး တဲ့..။ငယ်ရွယ်နုပျိုပြီး ရည်မှန်းချက်တွေနဲ့ တက်ကြွခဲ့ပေမဲ့ အကောင်အထည်ဖေါ်တဲ့အခါ  စိတ်ဓာတ်အင်အား ချိနဲ့ တဲ့ဆရာဝန် တစ်ဦးပေါ့လေ…။ ဆရာဝန် ဖြစ်ဘို့ ကျောင်းတက်ရစဉ်မှာ ထာဝစဉ်ဖေးမကူညီ ပေး တဲ့ ငယ်ချစ်ဦး ချစ်သူ တစ်ဦးရှိခဲ့တယ်..။ မေရီဒေါက်ဂလပ်စ် တဲ့..။ ငယ်သံယောဇဉ်ကြီးကြတာမို့ ဆရာဝန်ဖြစ် တဲ့အခါ လက်ထပ်ပါ့မယ်လို့ ကတိကဝတ် ပြုခဲ့ကြ ပါတယ်..။

ဒါပေမဲ့ကျောင်း ပြီးလို့ ဆရာဝန်ဖြစ်ချိန် မှာ ဒေးဗစ် မှာ အဆုတ်ရောဂါရလာလို့ ဆရာဝန်က ပင်လယ်လေ ရှူ ရမယ် လို့ အကြံပေးတာနဲ့ သူဟာ လက်မထပ်ဖြစ်တော့ ပဲ အိန္ဒိယ သွားမဲ့ ပင်လယ်ကူး သင်္ဘော မှာလိုက်ပါပြီး သင်္ဘော ဆရာဝန် အဖြစ်အမှု ထမ်းခဲ့ပါတယ်။

သင်္ဘောပေါ်မှာ စီနင်း လိုက်ပါတဲ့ လူကုံထံမိသားစုတွေ နဲ့ တွေ့ကြုံဆက်ဆံရတဲ့အခါ ငယ်ငယ် က ဆင်းရဲချို့တဲ့ခဲ့ တဲ့ ဒေးဗစ် ဟာ ယိမ်းယိုင် စီးမျော ခဲ့ပါတယ်..။ တောနယ်ကျေးလက်မှာတောသူ ရိုးရိုးလေးတစ်ယောက်ကိုလ က်ထပ်ပြီး ဘဝကို ဆင်းဆင်းရဲရဲ မဖြစ်သန်းလိုတော့ဘူး။ ဆန်းပြားစွာ ချမ်းသာ ချင်စိတ်တွေဖြစ်တဲ့အခါ ထိန်းသိမ်းရမဲ့ ယောင်္ကျားကတိ ဆိုတာကို လွယ်လွယ်နဲ့ ချိုးဖဲ့ဖျက်စီး ခဲ့ပါတယ်။

မေမေ စိတ်ထဲမှာ မြင်ယောင် မှတ်မိ နေတဲ့ ပုံရိပ်လေးကတော့ မေရီရေးပို့ထား တဲ့ စာတစ်ထပ်ကြီး ကို လုံးဝ ဖောက်မဖတ်ပဲ အိန္ဒိယ ရောက်တော့ မြစ်တစ်ခုရဲ့ တံတားထက်ကနေ ဆွဲဆုတ် လွှင့် ပစ်လိုက်တာပါ..။ အဲဒီနေရာမှာ မေမေ ကမေရီ့ကို သနားလို့ မျက်ရည်ဝဲမိခဲ့သေးတယ်။ တစ်ချိန်က ငယ်သံယောဇဉ် နဲ့ ကျေးဇူးတရားကို လွယ်လွယ်ချေဖျက်ခဲ့တယ်..။

သဘောင်္ပေါ်မှာပါလာတဲ့ လူကုံထံ မိသားစု မှာ ဒေါရစ်စ်ဆိုတဲ့ သမီးလေးတစ်ယောက်ပါလာခဲ့တယ်..။သူတို့က ဆေးကုမ္ပဏီ ပိုင်ရှင်တွေပါ..။ ဝတ္တုရေးတဲအချိန် ၁၉၅၇-၆၁ လောက်မှာ သာလီဒိုမိုက် ဆိုတဲ့ဆေး ဆေးကုမ္ပဏီတစ်ချို့ ရဲ့ငွေမျက်နှာသာကြည့်ပြီး မဆင်မခြင် ထုတ်လုပ်ရောင်းချ ခဲ့တဲ့ ဂျာမန် ဆေးကုမ္ပဏီကို လည်း အေဂျေခရိုနင်က စိတ်နာနာနဲ့ဝေဖန် ပြောဆို ချင်ပုံရပါတယ်..။

အစမှာတော့ သာလီဒိုမိုက် ကိုစိတ်ငြိမ်ဆေးအနေနဲ့ ထုတ်လုပ်ရောင်းချကြတာဖြစ်ပါတယ်..။ ကိုယ်ဝန်ဆောင် အမျိုးသမီး တွေ သုံးစွဲကြ တဲ့အခါ သန္ဓေသားကြီးထွား မှုကို နှောက်ယှက် တဲ့ဘေးထွက်ဆိုးကျိုး တွေကြုံ ရတာပေါ့လေ..။

အဲဒီတုံးက ခြေလက်မပါတဲ့ ငါးလိုလို ကိုယ်လုံး နဲ့ သန္ဓေသားတွေ မွေးဖွားခဲ့ကြ တာဟာကြောက်ခမန်း လိလိမှားယွင်း မှုကြီး တွေပါ..။ဒီတော့ သူ့ဝတ္ထု ထဲက ငွေမက်တဲ့ ဆရာဝန်ကိုဆေးကုမ္ပဏီ ပိုင်ရှင်နဲ့ တွေ့ဆုံစေလိုက်တာနဲ့ တူပါတယ်..။ ချမ်းသာချင်တဲ့ဒေးဗစ်ဟာ  လူချမ်းသာသမီး ဒေါရစ်ကို သဘောကျခဲ့တယ်။ နောက် လက်ထပ် ယူလိုက်ပါတယ်။ ဆွစ်ဇာလန်လိုနေရာမျိုးမှာ အိမ်အကောင်းစားနဲ့ နေရတယ်..ချမ်း သာလာတာပေါ့လေ..။အဲဒီဒေါရစ် စိတ်ရင့်ကျက် ပြည့်ဝ မူမှန်သူမဟုတ်တာကို ယူပြီးမကြာခင်မှာပဲသိလေတော့ ခဏသာပေါင်းပြီး စွန်ပစ်ခဲ့ပြန်ပါတယ်..။

ဆွစ်ဇာလန် မှာချမ်းသာသုခတွေ ခံစားနေတဲ့ဒေါက်တာဒေးဗစ် ဟာ မကြ ခဏတော့မေရီ့ ရဲ့ အရိပ်တွေ ကချောက်အိပ်မက်လိုပါ။ အမြဲချောက်လှန့်ခံ နေရတာ။ အစ ပိုင်း မှာ ပြန်သွားပြီးသူ့အမှားကို ကုစားချင်ပေမဲ့ ဆုံးဖြတ်ချက် ခိုင်မာ တဲ့ စိတ်ခွန်အား မရှိရှာဘူး။ တကယ်မွေးရပ်မြေ စကော့တလန်ကို ပြန်သွားဘို့ ဆုံးဖြတ်တဲ့အချိန်မှာ သိပ်ကိုနောက်ကျခဲ့ပါပြီ..။ မေရီ မရှိတော့ပါဘူး သေဆုံးခဲ့ပါပြီ..။

သူ့ကိုယ်စား မိဘမဲ့တဲ့ သနားစဖွယ် ကေသီ ဆိုတဲ့ သမီးလေးတစ်ယောက်ကို ထားခဲ့ပါတယ်..။ကေသီလေးဟာ ဆင်းရဲရှာပေမဲ့ တောနယ်ကျေးလက်မှာ သူနာပြုဆရာမလေး အနေနဲ့ ရပ်တည်ရရှာပါတယ်။အသက် မွေးဝမ်းကျောင်းဆိုတာ ထက် စေတနာ ဝါသနာ အနစ်နာ နဲ့အတူ လူနာတွေကို ပြုစုစောင့်ရှောက်တာပါ..။ မေရီ့ သံယောဇဉ် နဲ့ ဒေးဗစ်ဟာ  ကေသီ့ကိုချဉ်းကပ်ပြန်ပါတယ်..။ သူ့အပြစ်ကို ပြန်လည် ကုစားလိုတဲ့သဘော လည်းပါ တာပေါ့နော်..။

ကေသီကို ဆွစ်ဇာလန် ကိုခေါ်မယ် ..ပညာတွေသင်ပေးမယ်ပေါ့လေ..။ဒါနဲ့ပဲ ကေသီဆေးကု တဲ့နောက်ကို သူလျှောက်လိုက်ခဲ့ပါတယ်..။ကေသီကို သူလက်ထပ်ခွင့်တောင်းခဲ့ပါတယ်..။ကေသီက တော့ အမေရဲ့ရာဇဝင် ကိုမသိခဲ့ တော့ မယုံ ရဲ ယုံ ရဲပေါ့လေ..။ ဆွစ်ဇာလန်ကို လိုက်ခဲ့ပေမဲ့ သူကပြော ပြပါတယ်..။ သူပညာဆက် မသင်တော့ဘူး။ ဒီသူနာပြုပညာနဲ့ လူသားအကျိုးပြု အလုပ်တွေလုပ်မယ်..။အာဖရိက ကိုသွားမယ် အဲဒီမှာ လူနာတွေ ကို ကူညီမယ်..။ ရှင်လည်း ကျွန်မကိုချစ်ရင် အာဖရိက ကိုလိုက်ပေါ့ တဲ့။ ပျော့ညံ့တဲ့ ဒေးဗစ် ဟာ မွန်မြတ်တဲ့ ဆရာဝန်ဘဝကို ပြန်ရချင်ခဲ့တာပါ..။ သူဒီတခါ ပြန်လည် ရရှိဘို့ကြိုးစားမယ် ဆိုပြီး တစ်ခါ ဆုံးဖြတ်ပြန်ပါတယ်..။

ဆွစ်ဇာလန် က သူတို့ မြို့လေးမှာ သူဟာ  လူထုကိုကြေညာပါတယ်..။ သူ့ အိမ်တွေ စည်းစိမ်တွေကို ဆင်းရဲသားတွေ အတွက် အသုံးပြုမယ် ။ အာဖရိကမှာ စေတနာဆရာဝန် အဖြစ်ရပ်တည်မယ်လို့ တက်တက်ကြွကြွ ကြေညာခဲ့ပါတယ်..။

ဒီရှင်းလင်းပွဲအပြီးမှာ ကေသီဟာ စကော့တလန်ကို ခဏပြန်ပါတယ်..။ပြန်လာရင်အာဖရိကကို သွားကြမယ်ပေါ့လေ..။ အဲဒီ ခဏပြန်တုံးလေးမှာပဲ ဒေးဗစ် ခမျာ အားစမ်းမှုတစ်ခု နဲ့ကြုံရပြန်ပါတယ်..။ ယောင်္ကျားကျမ်းကြေ တဲ့ မြို့စားကတော်ကျ မုဆိုးမ တစ်ဦး ဖြစ်တဲ့ ဖရီဒါ  ပါ..။ အရင်ကတည်း ကမိတ်ဆွေတွေဖြစ်ပြီး ဒေးဗစ် ရဲ့ စည်းစိမ်တွေ ကိုမျက်စိကျ နေတာဖြစ်ပါတယ်..။

သူက ကေသီမရှိတုံး နေ့စဉ်လာပြီး ဆွဲဆောင်သိမ်းသွင်း ပါတယ်..။*ရှင်နော် အာဖရိက ကခြင်တွေက အကြီးကြီးတွေ..။ ငှက်ဖျားက ဘယ်လိုဆိုးတာ။ ညစ်ပတ်တာ ကကမ်းကုန်တယ် ။ ရှင်အိမ် ကငွေထည်ပစ္စည်း တွေ နှမျောစရာ..။ ဒီမှာ မနက်မိုးလင်းရင် နှင်းတွေ ဖုံးနေတဲ့ အဲလ်ပ်တောင်တန်း ကိုမြင်ရင်းနိုးရတာ*.. စသည်ဖြင့်ပေါ့လေ..။ တတိတိ နဲ့ တအိအိ စည်းရုံးလိုက်တာ…ကြာကြာမစည်း ရုံးရပါဘူး ဖရီဒါနောက်ကို ပါပြီး လက်ထပ် ဖြစ်လိုက်ပါတော့ တယ်..။

မှားပြန်ပြီတစ်ခါ..ဒီတစ်ခါလည်း ကေသီရဲ့ စာကို မဖတ်ပြန်ပါဘူး။ စာက ဒီနေ့ပြန်လာမယ် တဲ့..။ လှေခါးအောက်မှာ ရောက်နေတဲ့ ကေသီ ကို ဘယ်လိုစကားလုံးတွေ သူသုံးပြီှး ရှင်းပြရပါမည်နည်း။သူ့ရဲ့ ထမင်းချက်က အကျိုးအကြောင်း ပြော ပြလိုက်တာ အခုပဲလက်ထပ်လိုက်ကြောင်း။ ဖရီဒါကလည်း သေသီကိုမတွေ့ဘို့ တားပါတယ်..။ ညမှောင်ထဲ မှာ ပြေးထွက်သွားတဲ့ကေသီ ရဲ့ကျောပြင်လေး ကို သူမြင်လိုက် ပါတယ်..။

David would never have returned to help her in her mission as a doctor. He needed a woman who would be strong enough to master him. ဆိုတဲ့စကားလုံးလေးကိုတော့မေမေ မှတ်မှတ်ရရရေးလိုက်ချင်ပါတယ်..။ သူဟာကေသီနဲ့ အတူ စေတနာ ဆရာဝန်အဖြစ်ဘယ်တော့မှပြန်လည် ရရှိမှာ မဟုတ်တော့ပါဘူး..။ သူက သူ့ကို လမ်းကြောင်းတစ်ခုလျှောက်ဘို့ ကို ဦးဆောင် နိုင်လောက်အောင် စွမ်းအားရှိတဲ့ မိန်းမမျိုးကို သူလိုချင်ခဲ့တာပါ တဲ့လေ..။

မှောင်ထဲကိုပြေးထွက်သွားတဲ့ကေသီလေးရဲ့ ခံစားချက်ကိုမေမေမေ့ဘူး..။ သစ္စာဖေါက်ခံ ရခြင်း။ရက်စက်ခြင်း လူမဆန်ခြင်း ၊ မျှော်လင့်ချက် ပြိုကွဲ ခြင်း….တွေ နဲ့ သဘောင်္ဆိပ်ကိုဆင်း ခဲ့တာ ။ ရေထဲပြုတ်ကျ သေဆုံးခဲ့ ပါတယ်..။ တမင်တကာ ခုန်ချခဲ့သလား၊ မတော်တဆဖြစ်ခဲ့တာ လားဆိုတာကိုတော့ ကေသီသာ သိပါလိမ့်မယ်။

ကေသီ အလောင်းကို ဆယ်ယူ ခဲ့တဲ့ မြို့ ခံလူထုကတော့ အာဖရိကခရီးစဉ် ကြေညာပွဲရယ်၊ မြို့စားကတော်ကျနဲ့ လက်ထပ်ပွဲ ရယ် ၊ကေသီ့ သေဆုံးမှုရယ် ဟာဆက်စပ်နေမယ် ဆိုတာ မပြော ကြပေမဲ့ ပြောနေကြသလိုပါ..။ မျက်လုံးများစွာ ကိုရင်ဆိုင်ဘို့ ဒေးဗစ်မှာ ခွန်အားမရှိပြန်ပါဘူး။

 မေမေ ပြောချင်တာ က လူမှာ အမှားအမှန်ဆုံး ဖြတ်နိုင်တဲ့  ဦးနှောက်ရှိပါတယ်..။ အပြစ်တစ်ခု လုပ်ထားမိရင် လည်း စိတ်ကဘယ်လို လှည့်စားပြီး အပြစ်မဟုတ်ပါဘူး ငါမှန်ပါတယ် ဆိုပေမဲ့ အပြစ်ဆိုတာသိနေပါတယ်..။ ကုသိုလ် ၊အကုသိုလ် ဆိုတာ သူများကနာမည် လာပေးပြီး ကင်ပွန်းတပ်ပြောဆိုတာ မဟုတ်ပါဘူး။ အရသာကို သိသလို ခံစားသိနဲ့ သိနေရတာမျိုး မဟုတ်လား။ ဆိတ်ကွယ်ရာ လို့ဆိုပေမဲ့လည်း ကိုယ့်ကိုယ်တိုင် ရဲ့ စိတ်က သိနေတာမို့ ဆိတ်ကွယ်ရာမရှိလို့ ဆိုကြတာ ဖြစ်ပါတယ်ကလေးရေ..။ ဘယ်သူမှ အပြစ်မတင်လည်း ကိုယ့်ဖာ သာ ကို တော့ကြိမ်ဖန်များစွာ တင်နေတာပေါ့။

ဒီလိုပါပဲ ခရစ်တော် ကို သစ္စာဖေါက်တဲ့ ယုဒ Juda ဆိုတာ ရှိတယ်..။ လူယုံ ဖြစ်ပေမဲ့သစ္စာ မစောင့်သတင်းပေးခဲ့တယ်။ နောက်တော့ ကိုယ့်အပြစ် ရဲ့ စေ့ဆော်တဲ့အရှိန်အစော် နဲ့ မိမိဘာသာအဖြစ်ပေး တဲ့အနေနဲ့ သစိပင်မှာ ကြိုးဆွဲချ သေခဲ့ပါတယ်..။ခရစ်ယာန် ဘာသာဝင်တွေကတော့ ယုဒ သေတဲ့သစ်ပင် “The Tree of Lost Souls” လို့ခေါ်ကြပါတယ်..။ မွန်မြတ်သန့်စင်တဲ့ စိတ်ဝိဉာဉ် ပျောက်ဆုံး တဲ့အပင်လို့ တင်စားတာပေါ့လေ…။ အပူပိုင်းဒေသမှာတော့ဘောစကိုင်းလို အပင်မျိုး နဲ့ တူတယ်လို့ဆရာထင်လင်း ကဆိုပါတယ်..။

နောက်တစ်နေ့ နံနက် မှာတော့ခြံထဲက် Judas လို့ ခေါ်တဲ့ သစ်ပင်-ယုဒသစ်ပင်မှာ လူတစ်ယောက် တန်းလန်းကြီးဖြစ်နေတာ ဒေးဗစ်ရဲ့ ထမင်းချက်က မြင်သတဲ့..။ ဘယ်သူဖြစ်မယ်လို့ကလေးတို့ ထင်ပါသလဲ..။ ဒေါက်တာ ဒေးဗစ်မိုရေး ရဲ့ ကိုယ့်တရားကိုယ်စီရင် သွားတဲ့ ဖြစ်စဉ် ဆိုတာကို မေမေ မပြောလည်း သိမှာပါနော်..။

ဆရာထင်လင်း ကတော့ ဒီဝတ္ထု ကို ဘာသာပြန်တဲ့အခါ ယုဒသစ်ပင် Judas Tree လို့ တိုက်ရိုက် အဓိပ္ပါယ်မယူပဲ အဆိပ်လို့ နာမည် ပေးခဲ့တယ်။ ခံစားချင်တဲ့ လော ဘနဲ့ ရှာဖွေ တဲ့ ကာမဂုဏ်အာရုံ တွေ ဟာ စိတ်ဝိဉာဉ် သန့်စင်ဘို့အတွက် *အဆိပ်အတောက် *တွေ ဖြစ်တယ်လို့ ထောက်ပြချင် ခဲ့တာပါ..။

ဒါကြောင့်မို့ လို့ ကလေးတို့ရေ..လူ့နှလုံးသား ဆိုတာ အသွေး နဲ့ အသားနဲ့ ခံစားတတ်ကြပါတယ်..။ကစားစရာ ပလတ်စတစ်တွေ မဟုတ်ကြပါဘူး။ ကိုယ်ချင်းစာစိတ်နဲ့ ဘယ်သူ့ကိုမှ မလှည့်စားမိဘို့ လွယ်လွယ်ကတိမပေး မိဘို့၊ ကတိတည်ဘို့  သစ္စာရှိဘို့ ဆိုတာ လူ့ကျင့်ဝတ်တွေပါ..။ ကောင်းမွန်မှန် ကန်တဲ့လမ်းကြောင်းတစ်ခုကိုရွေးချယ်ပြီး စိတ်ဓာတ်ခိုင်ကျည်စွာ တည်တည် တံ့တံ့ ဖြတ်သန်းဘို့လည်းလိုပါတယ်..။

ဒါကြောင့် မေမေ က * ရှင်းသန့်စင်ကြယ်မှုကို ဘယ်လောကစည်းစိမ်နဲ့မှ မလဲလှယ် မိပါစေနဲ့* လို့ ဘဝတစ်သက်တာ သေသေချာချာမှာခဲ့ ချင် လို့ ဒီဝတ္ထုလေးကို ပြန်ပြောပြလိုက် တာပါ ကလေးတို့ရေ..။သစ္စာရှိသောသူများ ဖြစ်ကြပါစေ။

သစ္စာအလင်း

Rayong ကမ်းခြေ Biodiversity နှင့် အေးမြသောအလင်းရောင်

မေမေချစ်သော သားသားနဲ့ မီးမီးရေ..

ဧပြီလ ၂၇ ၊၂၈ ၊၂၉ ရက်တွေမှာ မေမေတို့ကျောင်း က Rayong ကိုလေ့လာရေး သွားရောက်ခဲ့ပါတယ်..။Rayong လေ့လာရေးခရီးစဉ် ဟာ ထိုင်းပင်လယ်ကွေ့ က ပင်လယ်ကမ်းစပ်မှာ ရှိတဲ့သက်ရှိတွေ…..အင်းဆက် တွေ….တော တောင်ရေမြေ သဘာဝတွေကိုလေ့လာတဲ့ Biodiversity Research Excursion သဘောမျိုး ဖြစ်ပါတယ်..။ Lomtalay   ဆိုတဲ့ ဟိုတယ်မှာတည်းခိုရပါတယ်…။ ထိုင်းလို လေညှင်း လို့ခေါ်ပါတယ်တဲ့။ မေမေ ရောက်ဘူးခဲ့တဲ့ အနောက်ကမ္ဘာက ပင်လယ်ကမ်းစပ် တွေလို လူလုပ် ဇိမ်ခံပစ္စည်းတွေ ရှုပ်ရှက်ခတ်မနေပဲ ပင်လယ် သဘာဝ ကမ်းခြေအလှကို သဘာဝ အတိုင်းလေးပဲ ထိန်းသိမ်းထားတာမို့ ကျေးဇူးတင်စွာ အပမ်းပြေရပါတယ်…။

အသီးတွေပြွတ်နေတဲ့ နှင်းသီး ပင် ကြီးကနေ အသီးနီနီတွေ ကြွေကျတာ.. အုန်းပင်တန်းတွေအောက် က တစ်ဝက်ထိုင် လှဲလျောင်းထိုင်ခုံလေးတွေ ဟာ ရေကူးကန်နား မှာစီချထား ကာ ပင်လယ်ကို မျက်နှာ ပြု ထိုင်နေနိုင် တာပေါ့လေ..။ ထိုင်နေရင်းကြည့်လိုက်တော့ သဲသောင်ပြင်မှာ စင်္ကြာ ပုံ ရောင်စဉ်ဖြာသလို သာကူစေ့သဏ္ဍန် ကျစ်စာခဲ လုံးလုံးလေးတွေ ဟာ လှပတဲ့ ဒီဇိုင်း Pattern တစ်ခုလို… တစ်နံတစ်လျား လှပနေတော့တာ..။စိတ်ဝင်စားလို့ ဆင်းကြည့်တော့ မှ အရင်က တစ်ခါမှ မမြင်ဘူးတဲ့ လက်သည်းခွံလောက် လေး သာရှိတဲ့ Tiny Crab ခေါ် ဂဏန်းသေးသေးလေးတွေ ဖြစ်တာ လေ့လာခဲ့ ရပါတယ်..။ ရေကျသွားချိန်မှာ သူတို့ ရဲ့တွင်းလေးတွေကိုတည်ဆောက်ဘို့ ကျစ်စာလေးတွေ ဟာတွင်းတစ်ဝိုက်မှာ အစဉ်တန်းပြီး ရှိနေတာပါ..။ ဇရက်ကလေးတွေ က ထိုးသုတ် တတ်တာ မို့ လူရိပ်မြင်တာ နဲ့ တွင်းထဲ ဝင်ပြေး ကြတာပါ..။ အင်မတန် မှ လျင်မြန် လှပါတယ်..။

Tiny Crab လေး နဲ့ သူနေတဲ့တွင်း သူဖောက်လုပ်တဲ့ကျစ်စာလုံးလေးတွေပါ

နောက် မေမေ တို့အဓိက လေ့လာခဲ့တဲ့ သက်ရှိတွေက တော့ Rayong River ဒီရေတော မြစ်ကမ်းစပ် တလျှောက်မှာရှိတဲ့ ပိုးစုန်းကြူး (Fireflies) လေးတွေ..

မျိုးတုံးတော့မဲ့ ပင်လယ် လိပ်တွေ ကို သုတေသနပြုမွေးမြူနေတာတွေ ..အဲဒီကျွန်းတစ်ဝိုက်က အနက်နဲ့ အဝါကြား ငါးလှလှလေးတွေ နဲ့ သန္တာကျောက်တန်းတွေဖြစ်ပါတယ်..။

Biodiversity ဆိုတဲ့ခေတ်စားလှတဲ့စကားလုံးဟာ Biological Diversity ဆိုတဲ့ ဝေါဟာရ ကိုပေါင်းစပ်ခေါ်ဆိုတာ ကလေးတိုိ့သိပြီး ဖြစ်မှာပါ…။ဇီဝမျိုးစုံ ကြွယ်ဝမှု လို့ မြန်မာ ကသတင်းစာတွေ ဘာသာပြန်ကြတာ တွေ့ရပါတယ်..။

မေမေတို့ နေထိုင်တဲ့ကမ္ဘာမြေ ဆိုတာက သက်ရှိဆိုလို့ လူသားတွေတင်ရှိတာမဟုတ်ဘူးနော်..။တစ်ခြားတစ်ခြားသော သက်ရှိတွေဖြစ်တဲ့ ကုန်းနေ ရေနေ သစ်ပင်တွေ…ကုန်းသတ္တဝါတွေ..ရေသတ္တဝါတွေ..သူတို့ တွေ နေထိုင်ရာခိုလှုံရာ ဒေသတွေ.. သူတို့ရဲ့ ဗီဇ အရည်အသွေး တွေ အများအပြား ကွဲပြားခြားနားစွာ ဖြစ်တည်နေမှုကို Biodiversity လို့ ခေါ်တာ ဖြစ်ပါတယ်..။

မေမေတို့နေထိုင်ရာ ကမ္ဘာမြေ သတ္တလောက ရဲ့ အခြေခံအုတ်မြစ်သဖွယ်လည်းဖြစ်ပါတယ်..။သဘာဝပတ်ဝန်းကျင် ယန္တရားတစ်ခုလုံး ပုံမှန်အတိုင်းလည်ပတ် နေစေဘို့ အမှန်တကယ် မရှိမဖြစ် အရေးကြီးလှပါတယ်…။ အဲဒီသက်ရှိတွေသာမရှိခဲ့ဘူးဆိုရင် သူတို့တွေရဲ့ ထွက်ကုန်ပစ္စည်းတွေ သူတို့ရဲ့ လုပ်ဆောင်ချက်တွေသာ ကင်းမဲ့ခဲ့ရင် မေမေတို့ လူသားတွေ အသက်ရှင်နေထိုင်ဘို့ အလွန်ခက်ခဲသွားပါလိမ့်မယ်..။

မေမေတို့လိုအပ်တဲ့ အောက်ဆီဂျင်၊ သန့်ရှင်းလတ်ဆတ်တဲ့ ရေ..သြဇာထက်သန်တဲ့မြေဆီလွှာ၊ဆေးဝါး ထုတ်လုပ်နိုင် တဲ့သစ်ဥသစ်ဖုတွေ၊နေစရာ အဆောက်အဦတွေ..အကာအကွယ်တွေ..ရာသီဥတု ညီညွတ်မျှတစေတာတွေအားလုံး ဟာ သဘာဝပတ်ဝန်းကျင် ကပဲ ရရှိကြတာပါပဲ..။ တကယ်တန်း တိတိကျကျ လေ့လာရင် ဒီထက်မက ပိုပါတယ် ကလေးတို့ ရေ..။

ဒီလို အဘိုးတန် လှတဲ့ သဘာဝပတ်ဝန်းကျင်ဟာ လူတွေကြောင့်ပဲ ပျက်စီးကုန်ခမ်းခဲ့တာ…။လူတွေ မှာ ပြန်လည်ထိန်းသိမ်း ဘို့ တာဝန်ရှိနေတာကို သားသားမီးမီး တို့သိထားဘို့ လိုပါတယ်..။တစ်နပ်စား ဉာဏ် နဲ့ ကုန်ခမ်းမသွားအောင် မလုပ်ဘို့ ထိန်းသိမ်းသုံးစွဲ ဘို့ ရေရှည် တည်တံ့အောင် စောင့်ရှောက်ဘို့ ကတော့ သက်ရှိလောကမှာ အသိဉာဏ်အကြီးဆုံးဖြစ်တဲ့ မေမေတို့လူတွေ မှာ တာဝန်ကြီးစွာ ရှိတာကို နားလည် ဘို့လိုပါတယ် ကလေးတို့ရေ..။

မေမေတို့ ပတ်ဝန်းကျင်မှာ ရှိတဲ့ သက်ရှိတွေ ရဲ့ ဓာတ်ပုံ တစ်ချို့ကို ဒီလို နေရာတွေမှာhttp://www.biodiversityphotography.org/  ကြည့်ရှု လေ့လာ လို့ရ ပါတယ်ကလေးတို့ရေ..။

အကြွင်းမရှိ အလုံးစုံ ထွက်သက်ဝင်သက်ရှိသောသတ္တဝါ၊ ၊ထင်ရှားရှိ သော သတ္တဝါ၊ ထိတ်လန့်တတ်သောသတ္တဝါ၊ တည်ကြည်ငြိမ်သက် သော သတ္တဝါ၊ ရှည် သောသတ္တဝါ၊ တိုသော (ပုကွသော)သတ္တဝါ၊ မတိုမရှည်သော သတ္တဝါ၊ ကြီးသောသတ္တဝါ၊ ငယ်သောသတ္တဝါ၊ မကြီးမငယ်သောသတ္တဝါ ၊ ဆူသောသတ္တဝါ၊ ကြုံသောသတ္တဝါ၊ မဆူမကြုံသောသတ္တဝါ ၊ မျက်စိဖြင့် မြင်ကောင်းသောသတ္တဝါ၊ မျက်စိဖြင့်မမြင်ကောင်းသော သတ္တဝါ၊ အဝေး၌  နေသောသတ္တဝါ၊ အနီး၌ နေသောသတ္တဝါ၊ ထင်ရှားဖြစ်ပေါ်ပြီးသောသတ္တဝါ ၊ဖြစ်တည်နေဆဲသော သတ္တဝါ၊ ဤ အလုံးစုံသောသတ္တဝါ တို့သည် ကိုယ်စိတ်နှစ်ဖြာ ချမ်းသာခြင်း ရှိကြပါစေကုန်သတည်း။ ဆိုတဲ့မေတ္တာ သုတ်တော် ပါဠိမြန်မာပြန် အတိုင်း Biodiversity အစုစု ကို မေတ္တာဖြန့်ကျက်ရပါတော့တယ် ကလေးတို့ရေ..။

မေမေတို့ ရောက်တဲ့ညနေမှာပဲ..Rayong Prasae River ထဲမှာ စိတ်ဝင်စားဖွယ် ပိုးစုန်းကြူးလေးတွေ လေ့လာကြပါတယ်..။ သူတို့ ကိုကြည့်ဘို့ ည အချိန်ကို မြစ်ထဲက ဖောင်ပေါ်မှာ ညစာစားရင်း စောင့်ပါတယ်…။ ဖောင်ဆိုတာကတော့ သစ်သားအိမ်လို ကိုယ်ထည်မှာ အမိုးကတော့ဓနိ ပါ။ အောက်ခြေကနေ သံ ပေပါအလွတ်တွေ ကို တွဲချိတ် ဆက်သွယ် ထားတာပါ..။ကိုယ့်အိမ်က ကြမ်းခင်း မှာထိုင်သလို ညစာစား ကြတာ..ဖောင် ၂ခုတွဲကို ဆက်ပြီး ရှေ့က နေ စက်တပ် လှေတစ်စီးက ဆွဲယူ ရင်းရွေ့လျားစေတော့တာပါ..။ ဖောင်စီးခကော ညစာ အတွက် အဖိုးအခ ပေးရပါတယ်..။ သဘဝ ပတ်ဝန်းကျင် ရဲ့ မျက်နှာသာပေးမှုအပေါ် မှာ ငွေ ရှာတတ်ကြပါပေတယ်..။ ညမှောင် လာတော့မှ ဖွင့်ထား တဲ့ ကာရာ အိုကေ တီဗီတွေ ၊ ဒစ္စကို ရောင်စုံမီး တွေ မှိတ် ၊ မီးမှောင်ချရင်း ချဉ်းကပ်ရပါတယ်။

တစ်ပင်လုံး မီးပုံးလေးများချိတ်သလို

လှလိုက်တာ… တလက်လက် နဲ့ သစ်တပင်လုံး မီးပွင့်အသေးလေး တွေ ဆွဲချိတ်ထား သလို…မေမေ ငယ်ငယ်က ရွာဘက်သွားရင် တစ်ကောင်စ နှစ်ကောင်စ တော့တွေ့ဘူးပါတယ်.. ။ဒီလို နေထိုင်မှုသဘာဝ နဲ့ အစုလိုက် ကတော့ ဒီတစ်ခါသာ တွေ့ဘူးပါတော့တယ်။

ပိုးစုန်းကြူး ဆိုတဲ့ သဘာဝ အလင်းရောင်ပိုင်ဆိုင်ကြတဲ့ အင်းဆက်ကလေး တွေပါ..။

သူတို့ဟာ တကယ်တော့ကျိုင်းကောင် အမျိုးအစားထဲမှာပါပါတယ်..။

 Family—Lampyridae

Order –Coleoptera

Genus— Oculogryphus ,Pterotus LeConte, 1859

အင်္ဂလိပ်နာမည်..Fireflies or Lightning Bugs လို့ခေါ်ပါတယ်..။

သဘာဝတရား ရဲပဇီဝကမ္မ ဖြစ်စဉ် အရပဲ အပူဓာတ်မပါတဲ့ အလင်းရောင်လေးတွေ ထုတ်လွှတ်တာ ပါ..။ သဘာဝ အရ မိတ်လိုက်ဘို့ကော…သားကောင်များကိုဆွဲဆောင်ဘို့ မီးလေးတွေကို အသုံးပြု ပါတယ်..။

 အပူမပါ တဲ့ အေးသော အလင်းရောင် ဖြစ်လို့ ဓာတုနည်းအားဖြင့်သာ ထုတ်လွှတ် တာမျိုးပါ..။ သူက အင်းဆက်ဆိုတော့ ခေါင်းပိုင်း ရင်ပိုင်း ဝမ်းဗိုက်ပိုင်း သုံးပိုင်းရှိ ပါတယ်..။ဝမ်းဗိုင်ပိုင်း မှာ အောက် ဘက်နားကိုကြည့်ရင် မှာ အဝါရောင်အစိမ်းရောင်နဲ့ အနီဖျော့ရောင်လေး ရှိနေ ပါတယ်…သူ့အလင်း ရဲ့ လှိုင်းအလျားဟာ ၅၁၀ ကနေ ၆၇၀ နာနိုမီတာရှိပါတယ်..။

 နာနိုမီတာ ဆိုတဲ့ ယူနစ်တစ်ခုကို အလျဉ်း သင့်လို့ ပြောလိုက်ပါရစေ ကလေးရေ..(A nanometre (American spelling: nanometer; symbol nm) (Ancient Greek: νάνος, nanos, “dwarf”; μέτρον, metrοn, “unit of measurement“) is a unit of length in the metric system, equal to one billionth of a metre. ) တစ်မီတာ ရဲ့ သန်းတစ်ထောင်ပုံတစ်ပုံ ဆိုတာကတော့ nanometre ဖြစ် ပါတယ်..။ nm လို့ရေးပါတယ်။

မှိတ်တုတ် မှိတ်တုတ် ဖြစ်တယ် ဆိုတာမှာ ဘယ်လို ဖွင့်စေ ပိတ်စေတယ် ဆိုတဲ့ဖြစ်စဉ်တွေ ကို ဒီနေ့ထိ ပညာရှင်တွေ မသိကြသေး ပါဘူး။အမ ဟာ ပတ်ဝန်းကျင်မှာ ဥအုချပြီး ဥကပေါက်လာ တဲ့ ပိုးတုံးလုံး လေးတွေ မှာတောင်မှ ပဲ အလင်းရောင် ပေါ်ပေါက်နိုင်စွမ်း ရှိကြပါတယ်။

မျိုးကွဲပေါင်း ၂၀၀၀ ကျော်ရှိပြီး သမ ပိုင်း နဲ့ အပူပိုင်းဒေသ ပတ်ဝန်းကျင်များမှာ တွေ့ရတတ်ပါတယ်..။ များသောအားဖြင့် ကုန်းတစ်ဝက် ရေတစ်ဝက်နေရာဒေသတွေ မှာပိုတွေ့ရပါတယ်..။ သစ်တော ထူထပ်တဲ့နေရာတွေဟာ သူတို့ ပိုးတုံးလုံး လေး တွေ အတွက် အစားအစာ တွေပေါများ တတ်လို့ပါ..။

ပိုးစုန်းကြူးလေးတွေဟာ  အစိုဓာတ် ကိုနှစ်သက်တာမို့  အာရှ တိုက်နဲ့ အမေရိကတိုက်ရဲ့ ပူနွေးစွတ်စိုတဲ့ ဒေသတွေမှာ တွေ့ရများတာပေါ့လေ..။ သူတို့ရဲ့ အလင်းရောင် ထုတ်ပေးနိုင်တဲ့အင်္ဂါ အစိတ်အပိုင်း Light Emitting Organ တော့ရှိကြပါတယ် ။ ဝမ်းဗိုက်အောက်ဘက်မှာ က ခုဏပြောခဲ့တဲ့  ရောင်ခြယ် ဆဲလ်လေးတွေ မှာ Luciferin ဆိုတဲ့ ရောင်ခြယ် ဓာတ်ပစ္စည်း ပါဝင်ကြ ပြီး အောက်ဆီဂျင် နဲ့ ဓာတ်တိုးပြီး အလင်းရောင်ဆိုတာ ဖြစ်လာတာပါ။ Luciferin ကို  Luciferase ဆိုတဲ့ အင်ဇိုင်းတွေက ဓာတ်တိုးစေတာဖြစ်ပါတယ်..။

သူ့ရဲ့ဓာတ်တိုးဖြစ်စဉ် ညီမျှခြင်းကို ကြည့်မယ်ဆိုရင်တော့ ဒီလို ရှိပါတယ်..။ အဲဒီဖြစ်စဉ်က အလင်းရောင်ထွက်လာတာဖြစ်ပါတယ်။

Luciferin ဆိုတဲ့ ရောင်ခြယ် ပစ္စည်းလေးတွေ ဝမ်းဗိုက်အောက်မှာ

In luminescent reactions, light is produced by the oxidation of a luciferin (a pigment):

Luciferase Enzyme ထုတ်လုပ်နိုင်တဲ့ဗီဇ ပါတာမို့ ဗီဇအင်ဂျင်နီယာနည်းပညာ(Genetic Engineering)  နဲ့ ပွားများ ထုတ်လုပ်ထားတဲ့ Commercial Luciferase Enzyme လည်းရှိပါတယ်..။ သွေးနီဥတွေပြိုကွဲတာကို ညွှန်ပြ စမ်းသပ်နိုင်လို့ သွေးလှူဘဏ်တွေမှာ အသုံးပြုကြပါတယ်..။ မှုခင်း ဖြစ်ပွား တဲ့အခါ ကျန်ခဲ့တဲ့ ပစ္စည်းသွေးစွန်းသွား မသွားစစ်ဆေးတဲ့နေရာမှာလည်း အသုံးပြုကြပါသေးတယ်တဲ့ ..။

Luciferase Enzyme Oxidation Process...Light appears

မေမေ့ဋ္ဌာ နက ဆရာမတစ်ယောက်ကတော့ မေမေ က အင်ဇိုင်းတွေအကြောင်း ကို စာတမ်းရေးလာမှန်း သိလို့ ခြ တွေရဲ့ အူထဲမှာ နေတဲ့ ဘက်တီးရီးယားတွေ ကသစ်သားတွေကို ချေဖျက်နိုင်တဲ့အင်ဇိုင်း Wood Degrading Enzyme ထုတ် နိုင်တာမို့ အဲဒီဘက်တီးရီးယား ကို ထုတ်ယူ မွေးမြူဘို့ ဆွေးနွေး နေလေ ရဲ့..။

အင်း……မေမေကတော့ မီးမှိတ်ထားတဲ့ ဖောင်ပေါ် မှာ ထိုင်ရင်း လကွယ်ည ဒီရေ တောထဲမှာ ကိုယ်ပိုင်အလင်းရောင်နဲ့ လင်းလက်နေတဲ့ ပိုးစုန်းကြူးလေးတွေ ကိုတော့ မမေ့တော့ပါဘူးကလေးတို့ရေ..။ အေးမြသောအလင်းရောင် Cool Light လေးတွေ စိတ်အဟုန်က ထုတ်လွှတ်ရင်း ကိုယ့်ပတ်ဝန်းကျင်ကို လင်းလင်းလက်လက် အေးအေးမြမြ ဖြစ်ဘို့ ကြိုးစားရမယ်ဆိုတာကိုပါ။

လိပ်တွေနဲ့ ငါး တွေ အကြောင်း နောက်တော့ဆက်ပါမယ်နော်…။